خلال الندوة الصحفية التي عقدها الناخب الوطني وليد الركراكي، رد الأخير على سؤال متعلق باللاعب المغربي عبد الرزاق حمد الله.
وجاء رد الركراكي على الشكل التالي:
“أنا عمري ما قلت مغنعيطش على حمد الله حيث مكيلعبش ، أول حاجة انا حمد الله عيطتلو المدربين لي كانو قبل مكانوش كيتاصلو بيه عيطتلو قلت لو كيداير أ ولدي راك 4 شهور موقف و نتا عارف لقى شي حل موراها 3 أيام قبل لاليست حل المشكل و لعب ماتش سالاو 0.0 ماماركاش، جوج بيوت في ديك الوقت تا حد ما هضر و من بعد قلت هذا إختيار ديالي كاينين 3 المهاجمين أخرين بغيت نجربهم و نشوفهم و حمد الله خاص يبقى يماركي لبيوت و يدير الضغط عليا و من بعد غندير الاختيار ديالي حمد الله ممكن يكون في كأس العالم و ممكن لا بحال أي لعاب و مغنظلم تاشي حد و مغنظلمش الفرقة و المجموعة و من نهار عقلت على المنتخب عمرو وقف على لعاب واحد”.
